Атирау яқинидан Олтин ўрда даврига оид нодир кўҳна кумуш тангалар топилди
AQTUBE. Kazinform – Атирау шаҳри яқинидаги «Ақтўбе-Лаэти» қадамий шаҳарчасида олиб борилган археологик қазишмалар чоғида ўрта асрларга оид нодир кумуш тангалар топилди. Бу ҳақда Қозоғистон Республикаси Фан ва олий таълим вазирлиги маълум қилди.
Топилган тангаларни Жўжи Улуси таркибидаги Олтин Ўрда давлатини бошқарган Менгу-Темир хон даврида зарб қилинган. Россиялик нумизмат профессор танганинг зарб белгиларини ўрганиб, унинг қийматини жуда юқори деб баҳолади.
“Нумизматик олим Павел Николаевич Петров фикрича, ушбу тангалар милодий XIII асрнинг иккинчи ярмига тўғри келади. Қуйма танганинг бир томонида Менгу-Темир хонининг белгиси, иккинчи томонида эса хитойча иероглифлар акс этган. Бу Қубилай сулоласи ва Шағатай Улуси ўртасидаги тўқнашувлар давомида асирга тушган сиёсий маҳбус Номухан билан боғлиқ бўлиши мумкин”, – дейди археолог Амангелди Муғауули.
Қазишма пайтида яна бир муҳим топилма – «Тоғара» деб аталувчи қадимий идиш ҳам бутун ҳолда аниқланган.
“Бу йилги археологик ишлар Атирау вилояти тарихий-маданий мерос объектларини ўрганиш маркази буюртмаси билан амалга оширилди. Сўнгги икки-уч йилда мазкур шаҳарчага алоҳида эътибор қаратилмоқда. Унинг 53 гектар майдони тўлиқ ўраб олинган. Келажакда бу ерда очиқ осмон остидаги музей ташкил этиш режалаштирилган”, – марказ раҳбари Толибай Достыбаев.
Археологик тадқиқотларда Атирау университетининг тарих йўналишида таҳсил олаётган талабалари ҳам иштирок этган. Ҳозирда 500 квадрат метр майдондан топилган археологик топилмалар университет лабораториясида чуқур ўрганилиши режалаштирилмоқда.
