Астанада Tekken 8 бўйича халқаро турнир ўтказилади
ASTANA. Kazinform – Жорий йил 9-12 июль кунлари Қозоғистон пойтахтидаги фестиваль майдонида TEKKEN World Tour 2025 (Dojo Series) расмий босқичи – Tekken 8 компьютер ўйини бўйича халқаро турнир бўлиб ўтади.
Турнирда 90 нафардан зиёд ўйинчи қатнашиши кутилмоқда. Улар жаҳон финалига йўлланма берувчи рейтинг очколари ва 400 минг тенгелик мукофот жамғармаси учун беллашади. Мусобақа Марказий Осиёдаги энг йирик Tekken мухлислари жамияти – Qazaqstan Tekken Fighters (QTF) кўмагида ташкил этилади.
Турнир доирасида нафақат Қозоғистондан, балки қўшни давлатлардан ҳам геймерлар иштирок этиши режалаштирилган. Дастурда жонли трансляция, энг кучли саккиз ўйинчи иштирокида финал босқичи, шунингдек Street Fighter 6, Guilty Gear Strive ва Dragon Ball FighterZ каби жанговар ўйинлар бўйича шоу-дўстона учрашувлар ўтказилади.
Асосий мусобақалардан ташқари томошабинлар намойиш ўйинлари, мини-турнирлар ва профессионаллар билан тўғридан-тўғри мулоқотда қатнашиш имкониятига эга бўлади. Тадбирда Tekken 8 ўйинига бағишланган эксклюзив мерч-продукциялар ҳам тақдим этилади.
Турнир тўрт кун давом этади:
- 9 июль – қатнашчилар рўйхатдан ўтиши, Dragon Ball FighterZ бўйича махсус тадбир;
- 10 июль – асосий мусобақалар старти, Guilty Gear Strive бўйича қўшимча турнир;
- 11 июль – плей-офф босқичи, Street Fighter 6 шоу-матчи;
- 12 июль – финал беллашувлари.
Қатнашиш учун рўйхатдан ўтиш:
- start.gg/tournament/comic-con-2025-astana
- Рўйхатдан ўтиш фақат Comic Con фестивалига чипта олган иштирокчилар учун очиқ.
- Чипталар: comicconastana.kz/ticket
Турнир Comic Con Astana доирасидаги Otaku Zone махсус ҳудудида бўлиб ўтади. Бу майдон аниме, манга, мусиқа, мода ва драма каби осиё поп-маданиятининг турли жабҳаларини намойиш этади. Геймерлар ҳудудида интерактив ва нуфузли ўйинлар орқали мухлисларга севимли хотираларини қайтариш имкони тақдим этилади.
Гейм-зонада:
- 1 000 дан ортиқ ўйиндан иборат гейм-кутубхона
- машҳур блогерлар билан кооператив ўйнаш имконияти
- иккита тўлиқ ҳудуд: замонавий (PlayStation 5, ПК, руллар) ва классик (SEGA, Nintendo, PlayStation 1, PlayStation 2)
Ундан ташқари, Retro Genesis компанияси ўзининг махсус стендида классик ўйин қурилмаларининг замонавий версияларини тақдим этади. Иштирокчилар икки хил тизимни синаб кўришлари мумкин:
- Canonic – оригинал картриджлар билан тўлиқ мос келади
- Fusion – бир неча консольни битта қурилмада ишга тушириш имкониятига эга
Comic Con Astana-2025 – фестиваль тарихидаги энг йирик тадбир бўлади. У 9-13 июль кунлари бўлиб ўтади ва илк бор икки йирик майдонда: «Астана-Арена» стадиони ҳамда «Барис-Арена» муз саройида ўтказилади.
2019 йилда ташкил этилган Comic Con Astana нафақат кино, анимация, комикс, видеоўйин, косплей ва рақамли санъат соҳаларидаги мутахассислар, балки бутун Марказий Осиё бўйлаб фандомларни бирлаштирувчи халқаро платформага айланди.
2025 йилги фестиваль хедлайнери – Энди Серкис, машҳур британиялик актёр ва режиссёр. У «ҳаракатни олиш» технологияси орқали кино соҳасида инқилоб қилган шахс. Унинг энг машҳур роллари:
- Голлум (Узуклар ҳукмдори)
- Цезарь (Маймунлар сайёраси)
- Сноук (Юлдузли урушлар)
- Альфред Пенниуорт («Бэтмен», 2022)
- Кинг-Конг, (Питер Жексон ремейки)
- Улисс Клоу (Marvel олами)
- Кино Лой («Андор»)
У шунингдек ушбу фильмларга режиссерлик қилган: «Веном 2», «Маугли» ва яқинда чиқадиган «Узуклар ҳукмдори: Голлум учун ов».
Бундан аввалги йилларда фестивальда Мадс Миккельсен, Пилу Асбек, Майкл Рукер, Шон Ганн ва Перси Хайнс Уайт каби жаҳон юлдузлари хедлайнер сифатида қатнашган.
