Астанада Шанхай ҳамкорлик ташкилоти саммити бўлиб ўтади

ASTANA. Kazinform – Жорий йилнинг 3-4 июль кунлари Астана шаҳрида Шанхай ҳамкорлик ташкилоти саммити бўлиб ўтади. Бу ҳақда Ақорда матбуот хизмати хабар берди.

Йиғилишда ШҲТга аъзо давлатлар раҳбарлари сиёсий, савдо-иқтисодий ва маданий-гуманитар соҳалардаги ҳамкорликнинг кўплаб долзарб масалаларини кўриб чиқадилар.

Форумда кузатувчи давлатлар ва мулоқот бўйича ҳамкор давлатлар раҳбарлари иштирок этиши режалаштирилган.