Астанада Қозоғистон ва Покистон ўртасидаги савдо ва логистика имкониятларини ривожлантириш масалалари муҳокама қилинди

ASTANA. Kazinform – 2023 йил 18 августда Астана шаҳрида Қозоғистон Республикаси Бош вазири ўринбосари – Савдо ва интеграция вазири С. Жуманғарин Покистоннинг «TCS Logistics Private Limited» энг йирик логистика компанияси асосчиси ва раиси Холид Наваз Аван билан учрашди.

Томонлар Қозоғистон ва Покистон ўртасидаги савдо ва логистика имкониятларини ривожлантириш масалаларини муҳокама этдилар, дея хабар беради Kazinform Ҳукумат расмий сайтига таяниб.

ҚР Бош вазирининг ўринбосари Қозоғистоннинг жанубий портлар томон савдо-иқтисодий йўналишларини диверсификация қилиш бўйича олиб борилаётган ишлар ҳақида сўзлаб берди. Унинг таъкидлашича, Покистонга/ Покистон орқали экспорт/импорт маҳсулотини олиб ўтиш долзарб ва бугунги кунда устувор аҳамиятга эга.

Ўз навбатида Х. Аван ўзи бошқараётган компания фаолияти ҳақида гапириб, транспорт-логистика соҳасидаги илғор тажрибаси билан ўртоқлашди, Қозоғистон билан ҳамкорлик алоқаларини ўрнатишдан манфаатдор эканлигини билдирди.

Учрашув якунларига кўра, томонлар икки томонлама ҳамкорлик муваффақиятли бўлишига умид билдирди.