Астанада “JETI QAZYNA” этноқишлоғи очилди
ASTANA. Kazinform — Халқаро болаларни ҳимоя қилиш кунида Астанадаги Назарбоев университети ҳудудида “JETI QAZINA” этноқишлоқ ўз эшикларини очди. Лойиҳа қозоқларнинг маданий мероси, ҳунармандчилиги ва анъанавий турмуш тарзини тарғиб қилишга қаратилган. Бу ҳақда пойтахт ҳокимлиги маълум қилди.
Лойиҳа ташаббускори ва муаллифи тадбиркор Бауиржан Билман. У ички туризмни, айниқса, болалар туризмини ривожлантиришга эътибор қаратмоқда.
“Астана - пойтахт, бу ерда сайёҳлар доим бўлади, демак, талаб бор. Мен гидлар ва экскурсоводларнинг муаммоларини ўргандим. Улар меросимизни кўрсатиш учун шаҳар ташқарисига, Қошига боришга мажбур. Одатда, барча объектлар турли жойларда жойлашган - бургутчи, тази, от, усталар - барчаси алоҳида. Гидлар учун маршрутларни яратиш қийин, вақт талаб этади, натижада хизмат кўрсатишдан зарар кўради”, - дейди тадбиркор.
Этноқишлоқ этномузей вазифасини ҳам бажаради. Бу ерда қозоғистонлик ҳунармандларни қўллаб-қувватлашга алоҳида эътибор қаратилади. Қозоғистоннинг барча ҳудудларидан келган ҳунармандларнинг кўргазма ва маҳорат сабоқлари, жумладан, кигиз, ёғоч ўймакорлиги, наққошлик, миллий каштачилик каби йўналишлар бўйича кўргазмалар ташкил этилади.
Меҳмонлар от миниш, камондан отиш, “асиқ ату”, тўққизқумалақ, арқон тортиш каби миллий ўйинларни ҳам синаб кўришлари мумкин.
Этноқишлоқ ёз давомида ҳар шанба ва якшанба кунлари очиқ.
