Ҳар икки ойда бир марта илм-фан ютуқлари ҳақида дайджест оламан – Президент

ASTANА. Кazinform – Пурду университети (АҚШ) ядро энергетикаси мактаби профессори Зинетола Енсепов Давлат раҳбари Қасим-Жомарт Тоқаевга мамлакат олимлари эришаётган ютуқлар ҳақида маълумот олиб туришни таклиф қилди, деб хабар беради Кazinform мухбири.

«АҚШда мамлакат Президенти ҳузуридаги Фан ва технологиялар бўйича кенгаш фаолиятидан бири олимлар ва Президент Админстрацияси ўртасида ахборот алмашиш ҳисобланади. Шу боис, кенгашимиз олимлари илм-фан соҳасидаги янгиликлар ва тенденциялардан, айниқса, фойдали таклифлардан Давлат раҳбарини доимий хабардор қилиб боришни таклиф қилмоқдалар», — деди олим Давлат раҳбари иштирокида ўтказилган Фан ва технологиялар бўйича Миллий кенгаш йиғилишида.

Шу муносабат билан Қасим-Жомарт Тоқаев олимлар томонидан билдирилган барча таклифлар тўпланиб, инобатга олинишини таъкидлади.

«Мен ўзим мунтазам равишда икки ойда бир дайджест оламан, унда бутун дунёдан илм-фан ютуқлари ҳақида хабар берилади. Юртимиз олимларининг маълумотлари жуда фойдали бўларди», – деди Давлат раҳбари.

Фото: t.me/aqorda_resmi

Муаллиф: Марлан Жиембай