Ҳар бир қозоғистонлик давлатга қайтарилган 5 миллион гектар ер ҳақидаги маълумотларни кўриши мумкин

ASTANA. Kazinform - Жорий йилда давлат мулкига қайтарилган 5 миллион гектар ер ҳақидаги маълумотларни интерактив харитада кўриш мумкин, деб хабар бермоқда Kazinform мухбири.

Бугун Парламент Мажилиси ялпи мажлисида депутат Берик Дуйсенбинов Қишлоқ хўжалиги вазирига мамлакат ҳудудларига ташриф буюрганида унга ҳамроҳлик қилишини маълум қилди.

«Жорий йилда 5,2 миллион гектар қишлоқ хўжалиги ерлари давлат мулкига қайтарилгани маълум қилинди. Бизга бу қайтарилган участкаларни кўрсатинг. Бу борада халқнинг фикрини тинглайлик»

, — деди Б.Дуйсенбинов.

Ўз навбатида, Қозоғистон Республикаси қишлоқ хўжалиги вазири Ербол Қарашўкеев мамлакатда қайтарилган ер участкалари билан боғлиқ интерактив харита ишга туширилишини маълум қилди.

«Тез орада интерактив харита яратамиз. Қозоғистонликлар қайтарилган 5,2 миллион гектарнинг ҳар бир участкасини очиқ кўришлари мумкин. Келгуси йилда ҳудудларга сизлар билан бирга боришга тайёрман»

, - деди вазир.

Эслатиб ўтамиз, Қозоғистонда жорий йилда 5,2 миллион гектар қишлоқ хўжалиги ерлари давлат мулкига қайтарилди. Келгуси йилда яна 5 миллион гектар майдонни қайтариш режалаштирилган.

Муаллиф: Руслан Ғаббасов