Анна Данилина жаҳон рейтингида 22-ўринга кўтарилди

ASTANA. Kazinform - Аёллар теннис ассоциацияси (WТА) яккалик ва жуфтлик баҳсларининг янгиланган рейтингини эълон қилди.

Яккалик баҳсларида Польша вакили Ига Швентек ҳамон пешқадамлик қилаётган бўлса, Хитойнинг Ухань шаҳрида ўтказилган WТА 1000 турнирида ғолиб чиққан беларуслик Арина Соболенко иккинчи ўринда бормоқда.

Америкалик Кори Гауфф ҳамюрти Жессика Пегулани алмаштирди ва кучли учликка кирди.

Қозоғистоннинг биринчи ракеткаси Елена Рибакина 5-ўринда қолди, Уханда учинчи даврага қадар етиб борган ва А.Соболенкога имкониятни бой берган Юлия Путинцева 35-ўриндан 32-ўринга кўтарилди.

Жуфтликлар ўртасидаги жаҳон рейтингида Катержина Синякова (Чехия), Эрин Рутлифф (Янги Зеландия) ва Людмила Киченок (Украина) олдинда.

Ухандаги жуфтликлар баҳсида ғолиб чиққан қозоғистонлик Анна Данилина дарҳол 31-ўриндан 22-ўринга кўтарилди.

Ю.Путинцева 114 дан 111 га, Жибек Қуламбаева 142 дан 139 га алмашди.

Эслатиб ўтамиз, аввалроқ Анна Данилина Хитойда бўлиб ўтган WТА 1000 мусобақасида чемпион бўлгани ҳақида ёзган эдик.