Анна Данилина жаҳон рейтингида 19-ўринга кўтарилди

ASTANA. Kazinform - Аёллар теннис ассоциацияси (WТА) яккалик ва жуфтлик баҳсларининг янгиланган рейтингини эълон қилди.

Яккалик баҳсларида дастлабки учликда ҳеч қандай ўзгариш йўқ. Беларусь вакили Арина Соболенко пешқадам, польшалик қиз Ига Швентек иккинчи, америкалик Кори Гауфф учинчи ўринда.

Қозоғистоннинг биринчи ракеткаси Елена Рибакина 5-ўринда қолган бўлса, Юлия Путинцева 20-ўриндан 21-ўринга тушиб кетди.

Жуфтлик баҳсларида чехиялик Катержина Синякова, янги зеландиялик Эрин Рутлифф ва америкалик Тейлор Таунсенд (АҚШ) пешқадамлик қилмоқда.

Ўтган ҳафта Линцда (Австрия) бўлиб ўтган WТА 500 турнирининг ярим финалига чиққан Анна Данилина 20-ўриндан 19-ўринга кўтарилди. Ю.Путинцева 104-дан 107-га, Жибек Қуламбаева 156-дан 160-га тушиб кетди.

Эслатиб ўтамиз, аввалроқ теннис бўйича Девис кубоги баҳсларида Қозоғистон Покистон терма жамоасини мағлуб этгани ҳақида ёзган эдик.

Абу-Дабидаги турнирда Рибакина ва Путинцева куч синашади.

Ю.Путинцева Абу-Дабида чехиялик Линда Носкова билан жуфтлик баҳсларида иштирок этади.