Рибакина ва Путинцева Абу-Дабидаги турнирда иштирок этишади

ASTANА. Кazinform – Қозоғистонлик теннисчилар Елена Рибакина ва Юлия Путинцева 3—8 февраль кунлари бўлиб ўтадиган Абу-Даби (БАА) WТА 500 турнирида иштирок этади.

Ўтган йили ушбу мусобақада ғолиб чиққан ва дунё рейтингида 5-ўринни эгаллаб турган Елена Рибакина Абу-Дабида 1-ракетка сифатида қайд этилган.

Ўтган йилги чемпион унвони ва 500 очкосини ҳимоя қиладиган қозоғистонлик теннисчи иккинчи даврада жаҳоннинг 62-ракеткаси Кэти Волинец ёки 90-ўриндаги британиялик Сонай Картал билан тўқнаш келади.

Дунёнинг йигирманчи, ушбу турнирнинг 4-ракеткаси Юлия Путинцева ҳам ўйинни иккинчи даврадан бошлайди. Унинг рақиби дунёнинг 36-ракеткаси ва 2023 йилги Уимблдон чемпиони чехиялик Маркета Вондроушова ёки дунё рейтингида 56-ўринни эгаллаган, 2021 йилги АҚШ чемпионати ғолиби британиялик Эмма Радукану бўлади.

Соврин жамғармаси 1 миллион АҚШ долларига баҳоланган Абу-Дабига махсус таклиф олган Э.Радукану аввалги жароҳатлари уни безовта қилмаётганини ва мусобақага тайёр эканини такидлади.

Эслатиб ўтамиз, аввалроқ теннис бўйича Қозоғистон аёллар терма жамоасининг жаҳон чемпионатидаги рақиблари маълум бўлгани ҳақида хабар берган эдик.