Амир Омарханов Пекиндаги турнирнинг финал босқичига йўл олди

ASTANA. Kazinform - Қозоғистоннинг 18 ёшгача бўлганлар ўртасидаги биринчи, ўсмирлар ўртасидаги жаҳоннинг 15-ракеткаси Амир Омарханов Пекинда ўтказилаётган ITF Juniors J300 турнирида финалга чиқди. Бу ҳақда Каzinform агентлиги Қозоғистон теннис федерацияси матбуот хизматига таяниб хабар беради.

Қозоғистонлик теннисчи ярим финалда сербиялик Ожен Милични (ITF Juniors 56) мағлуб этди. Амир дастлабки сетни 0:6 ҳисобида бой берди, аммо кейин характер кўрсатди ва охиргиги икки сетни ўз фойдасига ҳал қилди - 6:1, 6:3.

6 октябрь куни Омарханов финалда британиялик Оливер Бондингга(19 ITF Juniors) қарши кортга чиқади.

Аввалроқ қозоғистонлик учинчи босқичда Корея вакили Донюнг Хван (ITF Juniors 133) устидан 6:7 (4:7), 6:4, 6:3 ҳисобида ғалаба қозонгани ҳақида хабар берилганди.

Омарханов чорак финалда Хитой Тайпейи вакили Куан-Чоу Чен (ITF Juniors 79) устидан 6:3, 6:2 ҳисобида ишончли ғалабага эришди.