Америка модули Ой юзасига қўнди
ASTANA. Kazinform – Firefly Aerospace компаниясининг америкалик Blue Ghost модули Ойга қўнди. Тўғридан-тўғри трансляция АҚШ Миллий аэронавтика ва коинот бошқармаси (NASA) сайтида амалга оширилди, деб хабар беради ТАСС.
Blue Ghost модули 15 январь куни Флорида штатидаги Жон Кеннеди номидаги космик марказидан SpaceX компаниясининг Falcon-9 ракетаси орқали учирилди. Ой юзасига қўниш Астана вақти билан 13:36 да содир бўлди. Шундай қилиб, Ердан Ойга саёҳат космик кема учун тахминан бир ярим ой давом этди.
Оғирлиги 155 килограммгача бўлган фойдали юкни кўтаришга қодир қўнувчи модуль NASAнинг 10 та фойдали юкини Ер сунъий йўлдошига етказди. Ушбу юклар турли хил илмий тажрибалар ўтказиш, жумладан ой тупроғини йиғиш ва Ойдаги магнит майдонларни ўрганиш режалаштирилган. Бундан ташқари, модуль Ер магнитосферасининг рентген тасвирларини олади.
Модуль Ой юзасида тахминан икки ҳафта давомида ишлаши режалаштирилган.
Blue Ghost ўтган йилдан бери Ойга борган иккинчи америкалик аппарат бўлди. 2024 йил февраль ойида Nova-C модули Ойга қўнган эди, бироқ қўниш вақтидаги техник муаммолар туфайли унинг функционал имкониятлари чекланган ва у бир ҳафтага яқин ишлаган.
