Алматида қанча кўп болали оналар яшайди

ALMATY. Kazinform – Бугунги кунда Алматида 26 018 нафар кўп болали она истиқомат қилади. Уларнинг 4 946 нафари «Олтин Алқа» ва «Кумис Алқа» соҳибидир. Бу ҳақда шаҳар ҳокимлиги Kazinform агентлигининг расмий сўровига жавобан маълум қилди.

Тақдим этилган маълумотларга кўра, Алмати шаҳар ижтимоий таъминот бошқармаси аҳолининг ижтимоий ҳимояга муҳтож қатламларини, жумладан, кўп болали ва кам таъминланган оилаларни қўллаб-қувватлаш бўйича ижтимоий лойиҳаларни амалга оширади.

Шаҳарда «бир ойна» тамойили бўйича кўп болали ва кам таъминланган оилалар учун шаҳарда ва 8 та туманда «Бахтли оила» маркази фаолият кўрсатмоқда.

Ушбу марказнинг асосий мақсади кўп болали оилаларнинг ҳаёт сифатини яхшилаш, Алматида яшовчи фуқароларнинг иқтисодий мустақиллик ва қийин ҳаётий вазиятлардан чиқиш учун шахсий мустақиллигини мустаҳкамлашдан иборат.

Марказ фаолияти: маданий тадбирларни ташкил этиш; дам олиш, мулоқот қилиш учун инфратузилмани яратиш; оила аъзоларини қўшимча кўникмаларга ўргатиш, шу жумладан кичик якка тартибдаги тадбиркорлик субъектларини ташкил этиш; бандлик ёрдами; ҳуқуқий ва психологик маслаҳат олиш имкониятини таъминлаш.