Алмати вилояти 63 давлатга маҳаллий маҳсулотларни экспорт қилди
ASTANA. Kazinform - Жорий йилда Алмати вилоятида экспорт ҳажми 565 миллион доллардан 581 миллион долларгача ошди. Бу ҳақда вилоят ҳокими Марат Султанғазиев маълум қилди.
“Кўп сармоя жалб этилиши вилоят иқтисодиётининг жадал ривожланишига ижобий таъсир кўрсатди. Жорий йилда вилоятга 778 миллиард тенге сармоя киритилди. Инвестициялар ҳажми ошиши билан бирга, қўшни давлатлар билан ҳамкорлик ҳам йилдан-йилга мустаҳкамланиб бормоқда. Ҳудуднинг экспорт географиясининг кенгайтирилгани минтақа иқтисодий ривожланишидаги энг муҳим ютуқлардан биридир. Бугунги кунда вилоят 63 давлатга маҳсулот экспорт қилади, уларнинг 90 фоизини қайта ишлаш маҳсулотлари ташкил этади. Ўтган йилга нисбатан экспорт ҳажми 565 миллион доллардан 581 миллион долларга ошди”, - деди Марат Султанғазиев.
Сўнгра вилоят ҳокими Қонаев ва Алатауни ўзлаштиришга алоҳида тўхталди.
“Ўтган уч йилда Қонаев шаҳрининг муҳандислик инфратузилмасини яхшилашга алоҳида эътибор қаратилмоқда. Масалан, 48 та кўп қаватли турар-жой биноларининг томлари алмаштирилди, фасадлари таъмирланди, 61 километр муҳандислик йўл инфратузилмаси янгиланди, 41 та ҳовли, боғ ва спорт майдонлари ободонлаштирилди. Умумий майдони 133 минг квадрат метр бўлган турар-жой бинолари фойдаланишга топширилди. Унинг салмоқли қисми хусусий қурилиш компаниялари томонидан амалга оширилди. Шу тариқа шаҳар чиройини оширувчи замонавий турар-жой мажмуалари барпо этилиб, 900 ўринли мактаб қурилиши ниҳоясига етказилди”, - дея қўшимча қилди ҳоким.
