Алмати ва Хитойнинг йирик шаҳарлари ўртасидаги ҳаво йўллари кенгайтирилади
ALMATY. Kazinform – Алмати шаҳри ҳокими Ерболат Досаев Air China Limited компанияси раиси, China National Aviation Holding Company президенти жаноб Ма Чонсянь билан учрашди.
Учрашувда Алмати ва Хитойнинг йирик шаҳарлари ўртасида ҳаво қатновини кенгайтириш, сайёҳлик ва ишбилармонлик алоқаларини мустаҳкамлаш масалалари муҳокама қилинди.
Тадбир Пекин шаҳрида Алмати шаҳри ҳокими Ерболат Досаевнинг Хитой Халқ Республикасига амалий ташрифи доирасида бўлиб ўтди.
Учрашувнинг асосий натижаси Алмати маъмурияти ва Хитойнинг миллий авиаташувчиси Air China ўртасида рейсларни очишни қўллаб-қувватлаш бўйича меморандум имзоланиши бўлди.
Томонлар икки давлат ўртасидаги иқтисодий ўсиш ва маданий алмашинув муҳимлигини таъкидладилар, йўловчилар оқимини кўпайтириш ҳамда Қозоғистон ва Хитойдан келаётган сайёҳлар учун логистика таъминотини енгиллаштириш мақсадида “Алмати-Пекин” қўшимча рейс ва янги “Алмати-Чэнду” рейсларини йўлга қўйиш имкониятларини кўриб чиқдилар.
“Имзоланган меморандум Алмати шаҳрининг халқаро транспорт алоқаларини ривожлантиришда муҳим қадамдир. Хитой Алмати туризмини ривожлантиришнинг асосий мақсадли бозорларидан бири ҳисобланади. 2024 йил Хитойда Қозоғистон туризми йили деб эълон қилинган бўлса, бу йил Қозоғистонда Хитой туризми йили деб эълон қилинди. Ўтган йили Алматига Хитойдан 95 300 дан ортиқ сайёҳ келган, бу эса 54 фоизга ўсган. Ўйлаймизки, келишув доирасида туристлар оқимининг жадал ривожланиши давом этади”, – деди Ерболат Досаев.
“Хитойнинг Tongcheng Travel агентлигининг “2025 йилнинг энг истиқболли янги йўналиши” мукофоти Алмати шаҳрининг сайёҳлик салоҳияти эътироф этилиши ва хитойлик сайёҳларнинг минтақага қизиқиши ортганидан далолат беради. Умуман олганда, 2024 йилда Алматига 2 миллионга яқин сайёҳ келган, улардан 600 мингдан зиёди хорижликлардир. 2025 йилда 2,3 миллион сайёҳ, жумладан, 700 минг хорижий сайёҳ келиши кутилмоқда”, – деди Ерболат Досаев.
“Ўз навбатида, China National Aviation Holding Company президенти жаноб Ма Чонсянь ҳам учрашув учун миннатдорлик билдириб, келгусида ҳам самарали ҳамкорлик қилиш истагини билдирди. Алмати Қозоғистоннинг маданий, бизнес ва сайёҳлик маркази, шунингдек, Европа ва Осиёни боғловчи муҳим бўғиндир”, – деди у.
2024 йил июнь ойида Алмати-Пекин йўналиши бўйича қўшимча рейс ва “Алмати-Чэнду” йўналишида янги рейсни йўлга қўйиш режалаштирилган. Ҳозирда Қозоғистон Республикаси Транспорт вазирлиги билан ҳамкорликда тайёргарлик ишлари олиб борилмоқда. Тегишли маршрутлар парвоз ҳуқуқи берилганидан кейин очилади.
Жорий йилнинг июнь ойидан қўшимча “Алмати-Пекин” ва янги “Алмати-Чэнду” рейсларини йўлга қўйиш режалаштирилган. Ҳозирда тайёргарлик ишлари олиб борилмоқда, парвоз ҳуқуқи берилганидан кейин тегишли йўналишлар очилади.
Таъкидлаш жоизки, Алмати Қозоғистоннинг энг йирик шаҳри сифатида транспорт инфратузилмасини фаол равишда модернизация қилмоқда. 2024 йилда янги халқаро аэропорт терминали қурилиши якунланади ва йилига 14 миллион йўловчига ҳизмат кўрсатади.
