Алмати шифокорлари оғирлиги 650 грамм чақалоқ ҳаётини сақлаб қолишди

ALMATY. Kazinform – Алмати шифокорлари оғирлиги 650 грамм ва бўйи 29 см бўлган эрта туғилган чақалоқни ҳаётини сақлаб қолишди, деб хабар беради Kazinform мухбири.

Жорий йилнинг 11 феврал куни ҳомиладорликнинг 25-ҳафтасида бўлган аёл қорин ва пастки орқа қисмида оғриқлар шикояти билан Алматидаги Перинатология ва болалар кардиохирургия марказининг қабулхонасига боради.

Марказ шифокорлари тўлғоқни тўхтатишга ҳаракат қилишади, аммо бундан натижа бўлмайди. 17 феврал куни кечқурун тўлғоқ қайта бошланиб, аёл оғирлиги 650 грамм ва бўйи 29 см бўлган болани дунёга келтирди.

Янги туғилган чақалоқ этук бўлмаган аъзолар ва тизимлардаги нафас олиш бузилиши туфайли жуда оғир аҳволда эди.

Эрта туғилган чақалоқнинг онаси Холида қизидан жуда хавотирда эди. Унинг омон қолишига шубҳалар бор эди. Яхшиямки, қизалоқ заиф бўлсада йиғлай бошлади.

«Бошимдан ўтган оғир кунларни душманимга ҳам тиламаган бўлардим», - деди Холида Якупова.

Шифокорлар зудлик билан чақалоққа сурфактант эмлаб, дарҳол реанимация бўлимида вентиляторга улашди. Заиф чақалоқлар вазн йиғгунча шу эрда қоладилар.

17 кунида у асбобларсиз нафас ола бошлади. Чақалоқ Хадиджа мустақил эма олмаслиги сабаб, уни ошқозон зонди орқали овқатлантириб туришди.

Янги туғилган чақалоқ бир ойдан кўпроқ вақт давомида реанимация бўлимида ётди, шундан кейин чақалоқ патология бўлимига ўтказилди. Дастлаб у онаси билан реанимация бўлимида доимий назоратда эди.

«Ҳозирда янги туғилган чақалоқ дадиллашиб қолди, яхши эмади. Айтганча, ҳозир унинг оғирлиги 1900 граммга етди. Боланинг аҳволи ўртача-ижобий деб баҳоланмоқда ва яқин кунларда, барчаси яхши бўлса, биз болани уйига кетишига рухсат берамиз», - деди шифокор Наиля Хайруллина.

Муаллиф: Алма Муқанова