Алихан Смаилов Астана шаҳрида янги газ иситиш станциялари ва 3-ИЭМ қурилиши билан танишди

ASTANA. Kazinform – ҚР Бош вазири Алихан Смаилов Астанадаги «Турон» ва «Жануби-Шарқий» газ иссиқлик станциялари (ГИС) ҳамда 3-ИЭМ қурилишининг бориши билан танишди, деб хабар беради Kazinform Ҳукумат матбуот хизматига таяниб.

Ҳозир 3-ИЭМда ишларнинг 90 фоизи бажарилган. Жорий йилда барча 4 та қозонни босқичма-босқич ишга тушириш режалаштирилган. Бу пойтахтда иссиқлик энергиясини қўшимча 440 Гкал/соатга ошириш имконини беради.

Алихан Смаилов мазкур лойиҳанинг шаҳар аҳолиси учун ижтимоий аҳамияти ва уни амалга ошириш масаласи Давлат раҳбарининг алоҳида назоратида эканини таъкидлади.

Бош вазир пойтахтни 350 Гкал/соатга яқин қўшимча иссиқлик билан таъминлайдиган «Турон» газ иситиш станциясига ҳам ташриф буюрди. Сўнгра Ҳукумат делегацияси умумий қуввати 350 Гкал/соат бўлган «Жанубий-Шарқий» газ иссиқлик станцияси қурилишини кўздан кечирди. Қурилиш режага мувофиқ давом этяпти. Умуман олганда, янги газ электр станциясининг афзаллиги табиий газдан тежамкор фойдаланиш имконини берувчи кичик қозонхоналардир. Табиий газдан ташқари, улар дизель билан ишлашга мўлжалланган.