Александр Недовесов Австралиядаги турнирнинг чорак финалига чиқди

Қозоғистоннинг жуфтлик баҳсларидаги биринчи, дунёнинг 46-ракеткаси Александр Недовесов Аделаида (Австралия) шаҳрида ўтказилаётган АТР 250 турнирининг чорак финалига чиқди, деб хабар беради Kazinform.

А.Недовесов эквадорлик Гонсало Эскобар билан биргаликда иккинчи даврада мусобақанинг 7-ракеткалари британиялик Ллойд Гласспул ва нидерландиялик Жан-Жюльен Ройер жуфтлигига қарши кортга чиқди.

Қозоғистон – Эквадор жуфтлиги 6:4, 6:4 ҳисобида зафар қучди. 1 соат 14 дақиқа давом этган мусобақада улар 9 та брейк-пойнтнинг 3 тасидан фойдаланишди. Британия-Нидерландия жуфтлиги 2 та эйс, 1 та брейк (3 брейк) билан чекланди.

Александр Недовесов - Гонсало Эскобар ярим финалга чиқиш учун германияликлар Константин Францен – Хендрик Йебенс жуфтлигига қарши кортга чиқади.

Эслатиб ўтамиз, аввалроқ Александр Бублик янги йилдаги илк ғалабасига эришгани ҳақида хабар берган эдик.

Шунингдек, қозоғистонлик теннисчи Аргентинадаги мусобақанинг иккинчи босқичига чиқди. Бейбит Жуқаев Австралия очиқ чемпионатини ғалаба билан бошлади.

Муаллиф: Ғайсағали Сейтақ