Ақтау яқинида самолёт ҳалокати: Озарбайжон ташқи ишлар вазири қозоқ халқига миннатдорчилик билдирди
ASTANA. Kazinform – Озарбайжон Республикаси Ташқи ишлар вазири Жейҳун Байрамов бугун Астанага расмий ташриф билан келди.
Ташриф доирасида Озарбайжон вазири Қозоғистон Республикаси Бош вазири ўринбосари – Ташқи ишлар вазири Мурат Нуртилеу билан кичик ва кенгайтирилган тартибда музокаралар ўтказди.
“Ўтган йилнинг 25 октябрь куни Ақтау шаҳри яқинида юз берган авиаҳалокатни қидиришда тезкор ёрдам кўрсатган қозоқ халқига ўз миннатдорчилигимни билдираман. Икки давлат ўртасида миллатлараро, тарихий, диний ва ишончли ва мустаҳкам алоқалар ўрнатилган. Бу бизнинг стратегик ҳамкорлигимиз асосидир. Қозоғистон Республикаси Президентининг Озарбайжонга учта ташрифи ва Озарбайжон Президентининг Қозоғистонга иккита ташрифи икки томонлама муносабатларнинг юксак ифодасидир”, – деди Жейҳун Байрамов ОАВ учун баёнот беришдан олдин.
Фахрий меҳмоннинг сўзларига кўра, икки давлат ўртасида дўстона муносабатлардан ташқари, иқтисодий-савдо соҳалари ҳам жадал ривожланмоқда.
“2025-2026 йилларга мўлжалланган икки томонлама ҳаракатлар харитаси доирасида кун тартибидаги барча масалаларни муҳокама қилдик. Бундан ташқари, БМТ ва ТуркПА доирасидаги алоқаларни мустаҳкамлашга устувор аҳамият берилди. Турли соҳалардаги ташаббусларни қўллаб-қувватлашга келишиб олдик. Қозоғистон давлатимиз ташаббусини қўллаб-қувватлади. Ўтган йил якунларига кўра, ўзаро товар айирбошлаш ҳажми 500 миллион долларга етди”, – дейди у.
Эслатиб ўтамиз, ўтган йилнинг 25 декабрь куни Ақтау яқинида Озарбайжон ҳаво йўллари самолёти ҳалокатга учраган эди. Самолёт бортида 67 киши, жумладан беш нафар экипаж аъзоси бўлган. Ҳодиса оқибатида 38 нафар йўловчи ҳалок бўлган, 29 киши тирик қолган.
Ақтау яқинида қулаган самолётнинг “қора қутиси” Бразилияда тадқиқот қилинди ва Қозоғистонга олиб келинди.
Жорий йилнинг 4 февралида Ақтау яқинидаги авиаҳалокат бўйича тергов ҳисоботи эълон қилинди.
