АҚШнинг 12 штати Трампнинг бож тўловларига қарши судга мурожаат қилди

ASTANA. Kazinform — Чоршанба куни 12 та штат, уларнинг аксарияти демократлар назорати остида, президент Дональд Трампни у жорий этган бож тўловлар юзасидан судга берди, деб ёзади The New York Times.

Чоршанба куни Аризона, Колорадо, Коннектикут, Делавэр, Мэн, Миннесота, Невада, Нью-Мексико, Вермонт, Нью-Йорк, Иллинойс ва Орегон штатлари ўз иқтисодларининг заифлигидан хавотир билдирган ҳолда судга мурожаат қилдилар. Невада ва Вермонтда республикачи губернаторлар бўлса-да, барча штатларда демократларнинг бош прокурорлари қўшилди.

Демократ бош прокурорлар томонидан берилган даъвога кўра, президент томонидан жорий қилинган тарифлар ўша штатлар иқтисодиёти ва халқига зарар етказгани айтилади.

Шунингдек, қонун бўйича тарифларни белгилаш ваколати фақат Конгрессга тегишли эканлиги қайд этилди. Штатлар суддан Трамп маъмуриятининг ноқонуний тарифлар жорий этишига йўл қўймасликни сўрамоқда.

Калифорния ўтган ҳафта биринчи бўлиб судга мурожаат қилди, штат губернатори ва бош прокурори Трамп маъмуриятини штат иқтисодиётига тузатиб бўлмайдиган зарар етказган савдо урушини қўзғатганликда айблади.