Абиба Абужақинова жаҳон рейтингида кўтарилди

ASTANА. Кazinform – Халқаро дзюдо федерацияси Будапештда (Венгрия) ўтказилган жаҳон чемпионати сарҳисоб қилди ва энг яхшилар рўйхатини янгилади.

Вазни 48 килограммгача бўлган дзюдочилар ўртасидаги баҳсларда иштирок этаётган қозоғистонлик Абиба Абужақинова жаҳон рейтингида икки поғона юқорилаб, иккинчи ўринда бормоқда. Ҳозирча дзюдо бўйича Қозоғистон аёллар терма жамоаси етакчиси 5662 очкога эга.

Италиялик Ассунта Скутта (5958 очко) пешқадамлик қилмоқда. Франциялик Ширин Букли 5170 очко билан кучли учликдан жой олди.

Эслатиб ўтамиз, Абиба (48 кг гача) Будапештда (Венгрия) ўтказилган жаҳон чемпионати финалида италиялик Ассунта Скуттага имкониятни бой бериб, кумуш медални қўлга киритган эди.