8 март байрами муносабати билан Астанада 36 минг аёл бир марталик ижтимоий тўлов олади

ASTANА. Кazinform – 8 март – Халқаро хотин-қизлар куни муносабати билан Астанадаги 36 мингга яқин кўп болали оилалар ва кўп болали оналар, жумладан, кам таъминланган оналар бир марталик ижтимоий тўлов олади, деб хабар беради пойтахт ҳокимлиги расмий сайти.

Астана шаҳар маслиҳатининг 2023 йил 3 октябрдаги 84/10-VIII-сонли қарори билан тасдиқланган пойтахтда ижтимоий ёрдам кўрсатиш, ставкаларни белгилаш ва айрим тоифадаги фуқаролар рўйхатини белгилаш қоидаларига мувофиқ, кўп болали оилалар ва кўп болали оналар — 36000 фуқарога 2,5 БҲМ(9830 тенге) миқдорида бир марталик ижтимоий ёрдам кўрсатилади.

Тўловлар кўп болали оилаларга, кўп болали оналарга, шу жумладан, Астана шаҳрида рўйхатга олинган ва доимий яшовчи ижтимоий ҳимояга муҳтож оналарга “Фуқаролар учун ҳукумат” давлат корпорацияси нотижорат акциядорлик жамияти Ижтимоий тўловлар марказининг рўйхатлари асосида тўланади.

Эслатиб ўтамиз, аввалроқ Туркистон вилоятидаги ҳар бир фахрийга 5 миллион тенгедан берилиши ҳақида ёзган эдик.