3D стейк: Европа космик агентлиги орбитада озиқ-овқат етиштиришни режалаштирмоқда
Экспериментда иштирок этган жамоанинг айтишича, бу тажриба икки йил ичида Халқаро космик станциясида кичик озиқ-овқат ишлаб чиқариш корхонасини яратиш йўлидаги биринчи қадамдир.
Лондон Империал коллежи тадқиқотчилари билан концепция устида ишлаётган Frontier Space компаниясининг бош директори ва асосчиси доктор Аквил Шамсулнинг сўзларига кўра, NASAнинг инсониятни кўп сайёравий турга айлантириш мақсадига эришиш учун лабораторияда етиштирилган озиқ-овқат зарур бўлади.
— Бизнинг орзуимиз — орбитада ва Ойда заводлар қуриш. Агар биз одамларга космосда яшаш ва ишлаш имконини берувчи инфратузилмани яратмоқчи бўлсак, биз Ердан ташқарида ишлаб чиқариш қувватларини қуришимиз керак. Тадқиқотга ХКСга озиқ-овқат етказиб беришнинг юқори харажати сабаб бўлган - ҳар бир космонавтга кунига 20 минг фунт стерлинггача тушади. Биз оддий протеин билан бойитилган картошка пюреси билан бошлашимиз ва кейин космосда пиширишимиз мумкин бўлган мураккаброқ таомларга ўтишимиз мумкин. Узоқ муддатда эса лабораторияда етиштирилган ингредиентлардан 3D-принтерда фойдаланишимиз ва стейк каби хоҳлаган нарсани босиб чиқаришимиз мумкин, — деди Шамсул.
Эслатиб ўтамиз, аввалроқ Маск ХКСни орбитадан чиқаришни ва Марсга учишга тайёргарлик кўришни таклиф қилгани ҳақида хабар берган эдик.
