21-23 июл кунлари Қозоғистонда беқарор об-ҳаво кузатилади

NUR-SULTAN. Kazinform – Мамлакатнинг аксарият ҳудудларида яқин уч кун ичида шимоли-ғарбий ва жанубий циклонлар таъсирида ҳаво беқарор бўлиб қолади, ёмғир ёғади, дея хабар беради Kazinform «Қазгидромет»РДКга таяниб.

«22 июл куни республика шарқида кучли ёмғир ёғиши, момақалдироқ, дўл ёғиши, шамолнинг кучайиши кутилмоқда. Мамлакатнинг ғарбий вилоятларида жазирама пасаяди, Қозоғистоннинг шимолий ярмида ҳаво ҳарорати кундузи +23+28 даража оралиғида бўлади.

Мамлакат жануби, жануби-шарқида ёғингарчиликсиз иссиқ ҳаво давом этади, фақат тоғли ва тоғолди ҳудудларида ёмғир ёғиб, момақалдироқ бўлиши кутилмоқда. Ҳаво ҳарорати бироз пасайганига қарамай, у иқлимий меъёрда қолади», - дейилади синоптиклар хабарида.