2025 йилнинг январи тарихдаги энг иссиқ бўлди
2025 йилнинг январи тарихдаги энг иссиқ бўлди, деб ёзади The Guardian Европа иқлим ўзгариши бўйича Copernicus хизматига таяниб.
Ер юзасининг ўртача ҳарорати 13,23°С бўлиб, 1991–2020 йиллардаги ўртача кўрсаткичдан 0,79 °С юқори.
Олимларнинг фикрига кўра, ҳаво ҳарорати саноатдан олдинги даражадан 1,75°С юқори бўлди. Бу кетма-кет бир ярим йил давомида ўртача глобал ҳарорат Париж келишуви чегарасидан 1,5 °С ошиб кетганини англатади. Мутахассисларнинг огоҳлантиришича, агар бу даража 20 йил давом этса, иқлим учун оқибатлар қайтарилмас ҳолга келиши мумкин.
Январь ойида энг юқори ҳарорат Шарқий Европа, Европа Россия, Ғарбий Сибир, Аляска ва Канада шимоли-шарқида кузатилди. Шу билан бирга, АҚШ, Буюк Британия, шимоли-ғарбий Франция ва Камчаткада ой одатдагидан совуқроқ бўлди.
Олимларнинг прогнозларига кўра, 2025 йил ғайритабиий илиқ йил бўлиб қолади. Уларнинг фикрича, глобал исиш асосан қазиб олинадиган ёқилғиларнинг ёниши ва сайёрамиз иқлим тизимидаги умумий ўзгаришлардан келиб чиқади.
