2025 йил бошидан буён мингдан ортиқ этник қозоқ ватандош мақомини олди
ASTANА. Кazinform – 2025 йилда 1070 этник қозоқ ўз тарихий ватанига қайтиб, ватандош мақомини олди. 1991 йилдан буён республикага жами 1 миллион 149 мингдан ортиқ этник қозоқ қайтиб келди. Бу ҳақда ҚР Меҳнат ва аҳолини ижтимоий ҳимоя қилиш вазирлиги хабар берди.
Йил бошидан буён Қозоғистонга келган ватандошларнинг ярмидан кўпи (51,9 фоизи) — Хитой Халқ Республикасидан, 37,5 фоизи — Ўзбекистондан, 7,1 фоизи — Туркманистондан, 1,8 фоизи — Россиядан, 1,7 фоизи бошқа давлатлардан.
2025 йил 1 февраль ҳолатига кўра, меҳнатга лаёқатли ёшдаги этник мигрантлар сони — 60,2 фоиз, вояга етмаганлар — 32,9 фоиз, пенсионерлар 6,8 фоизни ташкил этади.
Меҳнатга лаёқатли аҳолининг 16,7 фоизи олий, 32,9 фоизи ўрта касб-ҳунар, 48,4 фоизи умумий ўрта маълумотга эга, 1,9 фоизи маълумотга эга эмас.
Ватанига қайтиб келган этник қозоқлар республиканинг турли вилоятларига жойлашдилар.
Шу билан бирга, ватандошларни жойлаштириш учун ишчи кучи етишмайдиган қуйидаги ҳудудлар аниқланган: Ақмола, Абай, Атирау, Қостанай, Павлодар, Шарқий Қозоғистон, Ғарбий Қозоғистон ва Шимолий Қозоғистон вилоятлари.
2025 йил учун аҳоли пунктларида ватандошларини қабул қилиш квотаси 2309 кишини ташкил этади. Жорий йилнинг 1 февраль ҳолатига кўра, 171 нафар фуқаро кўчириш жойларига кўчиб ўтган.
Юқорида қайд этилган ҳудудларда истиқомат қилувчи ватандошларнинг бошқа жойга кўчиши учун субсидиялар шаклида давлат томонидан қўллаб-қувватлаш чора-тадбирлари кўзда тутилган - оила бошлиғи ва оиланинг ҳар бир аъзоси учун бир вақтнинг ўзида 70 БҲМ (275,2 минг тенге) миқдорида; уй-жой ижараси ва коммунал хизматлар учун тўлов учун - йилига 15 БҲМдан 30 БҲМгача (59 дан 118 минг тенгегача).
Бундан ташқари, ихтиёрий кўчириш самарадорлигини ошириш мақсадида ишчи кучи етишмайдиган ҳудудларга фуқаролар ва ватандошларни кўчиришга жалб қилинган иш берувчиларни қўллаб-қувватлаш бўйича институционал чора-тадбирлар кўрилди. Уй-жой сотиб олиш ёки қуриш ёхуд ипотека уй-жой кредити бўйича дастлабки тўловнинг бир қисмини қоплаш учун уй-жой нархининг 50 фоизи миқдорида ёки ҳар бир оила учун 4,56 миллион тенгегача бўлган миқдорда бир марталик, қайтарилмас асосда иқтисодий мобиллик сертификати жорий этилди.
