2023 йилда Ўзбекистон Қозоғистондан 300 минг тонна картошкани сотиб олишга тайёр

NUR-SULTAN. Kazinform – ҚР Қишлоқ хўжалиги вазирининг биринчи ўринбосари Айдарбек Сапаров гречка ва картошка экин майдонларининг ўсишини маълум қилди, дея хабар беради Kazinform мухбири.

«Ижтимоий аҳамиятга молик товарлар учун хомашё ишлаб чиқаришга алоҳида тўхталиб ўтмоқчиман. Ўтган йил кўрсатганидек, олдиндан режалаштириш ва зарур экин майдонларини кўпайтириш бўйича олиб борилаётган ишлар ўз самарасини бермоқда», - деди Айдарбек Сапаров Ҳукумат йиғилишида.

Мисол тариқасида у гречка ва картошкани келтирди.

«2020 йилда майдон 50 минг гектарга кўпайтирилди ва бунинг натижасида бозорда бошоқли экинлар танқислиги кузатилмади. Тезликни йўқотмаслик керак, келгуси йилда 100 минг гектар гречка экинлари кўрсаткичини сақлаб қолиш керак», - деди вазир ўринбосари.

«Картошка етиштириш бўйича атиги 5 минг гектарга яқин ўсиш, яъни 100-110 минг тонна картошка. Шу билан бирга, келаси йили биздан 300 минг тонна сотиб олишга фақат Ўзбекистон тайёр, Россия ҳам бор. Уюшган фермер хўжаликларида картошка етиштиришга алоҳида эътибор қаратиш лозим», - дея хулоса қилди А.Сапаров.

Муаллиф: Азамат Сиздиқбаев