2020 йил натижалари: Қозоғистонда фармацевтика ишлаб чиқариш 39,5 фоизга ўсди

NUR-SULTAN. Kazinform – Қозоғистонда фармацевтика саноати ишлаб чиқариш ҳажми 2020 йилнинг 11 ойида 39,5 фоизга ўсди. Ушбу кўрсаткичга кўра, «Химфарм» АЖ ишлаб чиқариш икки бараварга, «Дольче» МЧЖ ишлаб чиқариш 18 фоизга ва «Абди Ибрагим глобал фарм» ишлаб чиқариш 62 фоизга ўсди, деб хабар беради Kazinform мухбири.

Ягона дистрибьютор «СҚ-Фармация» ёрдамида кафолатланган бепул дори воситалари ва тиббий буюмларга бўлган талаб фармацевтика ўсишига ёрдам берди. Касалхоналар икки ойлик зарур дори-дармонларни тўплашди. Фуқароларга КВИга ПЗР тестини топшириш имконияти берилди ва ушбу хизмат нархи икки бараварга камайтирилди.

Биологик хавфсизлик илмий-тадқиқот институти олимлари QazCovid-in коронавирусига қарши вакцина ишлаб чиқдилар. Ушбу вакцинанинг дастлабки иккита синови муваффақиятли ўтди. 2020 йил 19 декабрда вакцина синовнинг учинчи босқичи бошланди.

Жамбул вилоятининг Қордай туманида коронавирусга қарши эмлаш заводи қурилмоқда. 2021 йил март ойида биринчи вакциналар тайёр бўлади. Завод 30 миллиондан 60 миллионгача вакцина ишлаб чиқаришга қодир.

Бундан ташқари, Алмати, Қизилўрда, Қостанай, Ўскамен, Чимкент, Кўкшетау ва бошқа шаҳарлардаги 70 га яқин тикувчилик корхоналари ниқоб тикишади. Ушбу корхоналар кунига 700 мингга яқин ниқоб тикишади.

Муаллиф: Аян Бекенўғли