Қозоғистондан дунёнинг 31 мамлакатига тўғридан-тўғри парвоз қилиш мумкин – ҚР Транспорт вазирлиги
ASTANA. Kazinform — Қозоғистон Республикаси Транспорт вазирлиги темирйўл ва фуқаро авиацияси соҳасидаги маршрут тармоғи ҳақида маълумот берди.
Темирйўл транспорти
Ҳозирги кунда мамлакатда йўловчилар ташиш соҳасида 154 та темирйўл маршрути амалга оширилмоқда. Улардан:
- 112 та маршрут «Жолаушылар тасымалы» АЖ томонидан бажарилади;
- 30 та маршрут хусусий ташувчилар ҳиссасига тўғри келади;
- қолган 12 та маршрут халқаро йўналишлардан иборат.
2025 йилнинг биринчи ярмида темирйўл транспорти орқали 9,5 миллион йўловчи ташилган. Йўловчи вагонларини янгилаш бўйича тизимли ишлар олиб борилмоқда. Йил бошидан бери тахминан 60 та янги йўловчи вагони харид қилинди.
Авиация алоқалари
Фуқаро авиацияси соҳасида ички ва халқаро йўналишлар сони ортиб бормоқда:
Ички парвозларда ҳафтасига 61 та йўналиш бўйича 849 та рейс амалга оширилади;
Халқаро парвозларда эса 144 та йўналиш бўйича ҳафтасига 842 та рейс бажарилади. Қозоғистондан дунёнинг 31 мамлакатига тўғридан-тўғри парвоз қилиш мумкин.
Халқаро авиақатновлар географияси қуйидаги мамлакатларни қамраб олади:
Россия, Қирғизистон, Ўзбекистон, Тожикистон, Грузия, Беларусь, Озарбайжон, Туркия, Буюк Британия, Германия, Италия, Нидерландия, Польша, Чехия, Венгрия, Черногория, БАА, Қатар, Эрон, Миср, Қувайт, Баҳрайн, Уммон, Жанубий Корея, Хитой, Ҳиндистон, Вьетнам, Таиланд, Мўғулистон, Малайзия ва Мальдив ороллари.
2025 йилнинг биринчи ярмида авиақатновлар хизматидан 7,2 миллион йўловчи фойдаланган.
