15 апрель куни Қозоғистонда об-ҳаво қандай бўлади

ASTANА. Кazinform — “Қазгидромет” РДК 15 апрель куни мамлакатда содир бўладиган хавфли метеорологик ҳодисаларни прогноз қилди.

Маълумотларга кўра, Қозоғистоннинг аксарият қисмида атмосферанинг фронтал қисмлари ўз таъсирини давом эттириб, момақалдироққа сабаб бўлади.

- Кундузи республиканинг жануби-ғарбида кучли ёмғир, кечаси шарқида кучли ёғингарчилик (ёмғир, қор), шимолида ёғингарчилик (ёмғир, қор) бўлиши кутилмоқда. Фақатгина республиканинг ғарби ва жанубида ёғингарчиликсиз об-ҳаво кутилмоқда. Қозоғистон Республикаси бўйлаб шамол ва туман кучайиши мумкин, — деб ёзади синоптиклар.

Кундузи Жетису вилоятининг Алакўл туманида 30 м/с ва ундан ортиқ кучли шамол эсади.

Кечаси Шимолий Қозоғистон вилоятининг ғарби ва шимолида, Қостанай вилоятининг ғарбида, Ғарбий Қозоғистон вилоятининг шимоли ва шарқида, Ақтўбе вилояти шимолида, Қарағанди ва Шарқий Қозоғистон вилоятларининг шарқида, Абай вилоятида 3 даража совуқ бўлади.

Кечаси Ақмўла вилоятининг ғарби ва марказида ер юзаси ҳарорати 2 даража совуқ бўлади.

Эслатиб ўтамиз, 14 апрель куни Қозоғистонда қандай об-ҳаво бўлиши ҳақида хабар берган эдик.