13 июнь куни Қозоғистонда ёмғир ёғиши кутилмоқда

ASTANA. Kazinform – 13 июнь куни Қозоғистоннинг кўп қисмида қисқа муддатли ёмғир ёғиб, момақалдироқ бўлиши кутилмоқда. Бу ҳақда Kazinform «Қазгидромет»га таяниб хабар беради.

Юқори босимли майдон таъсирида мамлакатнинг жануби-ғарбий, узоқ шарқи ва жанубида ёғингарчиликсиз об-ҳаво кузатилади. Республикада кучли шамол эсиши сақланиб қолади, жанубда, жануби-ғарбий қисмида, марказда чанг бўрони кузатилади, шимолда дўл ёғиши мумкин, довул бўлиши мумкин.

Манғистау, Атирау, Ғарбий Қозоғистоннинг жанубида, Ақтўбе вилоятларининг жануби-ғарбий қисмида кучли жазирама кутилмоқда.

Атирау вилоятининг жанубида жуда кучли иссиқлик сақланиб қолмоқда.