11 ойда Японияга 33 миллион хорижий сайёҳ ташриф буюрди

ASTANA. Kazinform - Японияга ташриф буюрадиган хорижий сайёҳлар сони бўйича янги йиллик рекорд туристик бум ва миллий валютанинг заифлашуви фонида ўрнатилди, дея хабар беради Kazinform Kyodo Newsга таяниб.

Япония Миллий Туризм Ташкилоти маълумотларига кўра, уларнинг умумий сони 33 379 9 минг кишини ташкил этиб, 2019 йилда қайд этилган 31,88 миллион кишидан юқори кўрсаткичдан ошиб кетди.

Биргина ноябрь ойида хорижлик сайёҳлар сони ўтган йилнинг шу даврига нисбатан 30,6 фоизга ошиб, 3,18 миллион кишига етди. Жорий йилда ҳар ой ўтган йилнинг шу даврига нисбатан камида 30 фоизга ўсишни кўрсатди.

Япония билан ҳаво қатнови 2019 йил даражасига қайтиши билан, кузги барглар мавсумида талабнинг ортиши туфайли сайёҳлар сони ноябрь ойида янада ошди.

Ташкилотнинг дастлабки маълумотларига кўра, мамлакат ва минтақалар бўйича Жанубий Кореядан 749,5 минг киши келган, бу ўтган йилга нисбатан 15,3 фоизга кўп.

Хитойдан келган сайёҳлар сони икки баравар кўпайиб, 546 300 нафарга етди, Тайвань 488 400 киши билан учинчи ўринда, 21 фоизга кўп, АҚШ эса 247,5 минг киши билан 34 фоизга кўпни ташкил этди.

Агентликнинг таъкидлашича, агар ҳукумат 2030 йилгача ҳар йили 60 миллион хорижий сайёҳни жалб этиш мақсадига эришса, тирбандлик ва маҳаллий аҳоли учун ноқулайлик каби овертуризм билан боғлиқ муаммоларни ҳал қилиш муҳим бўлади.

Эслатиб ўтамиз, ўтган йили, коронавирус пандемиясидан олдинги 2019 йилдан бери биринчи марта Японияга келган хорижлик меҳмонлар сони 20 миллиондан ошди.