Жамбил вилоятида мактабларининг 70% дан ортиғи қозоқ тилида фаолият юритади
10:37, 23 Ноябр 2022
TARAZ. Kazinform – Жамбил вилоятидаги таълим ташкилотлари ёш авлодга сифатли таълим-тарбия бермоқда, деб хабар беради Kazinform мухбири.
Вилоят ҳокимлиги таълим бошқармасидан олинган маълумотларга кўра, 445 кундузги мактабда 237 минг нафардан ортиқ жамбиллик ёшлар таҳсил олмоқда. Улардан 314 тасида дарс қозоқ, тўрттасида рус, 127 тасида қозоқ ва рус тилларида олиб борилмоқда.
«Жамбил вилоятида мактабларининг 70 фоиздан ортиғи қозоқ тилида фаолият юритади. Вилоятда алоҳида таълимга муҳтож болаларга сифатли таълим бериш борасида изчил ишлар амалга оширилмоқда. 2022-2023 ўқув йилида 7922 нафар имконияти чекланган болалардан 6233 нафари таълим ва тарбия билан қамраб олинган»
, - дейди Жамбил вилояти ҳокимлиги таълим бошқармаси бошлиғи ўринбосари Айдин Досибаева.
«Алоҳида таълимга муҳтож болалар умумий сонидан 86 та мактабгача таълим муассасасида 2543 нафар, 443 та умумтаълим мактабларида инклюзив таълим билан 1133 нафар бола қамраб олинган, 4 та махсус тузатиш мактаб-интернатида 523 нафар бола, 294 нафар ўқувчи умумтаълим мактабларининг махсус синфларида ўқийди. Шу билан бирга, 1539 нафар бола уйда, 201 нафар имконияти чекланган бола бошқа касб-ҳунар коллежларида таҳсил олади»
, - дея тушунтирди маърузачи.
Вилоятда алоҳида таълимга муҳтож болаларни ўқитиш учун 29 та махсус муассаса ва ўқув хоналари мавжуд. Хусусан, 4 та махсус мактаб-интернат, 6 та психологик-тиббий-педагогик консультация, 12 та психологик-педагогик тузатиш хонаси, реабилитация маркази, 5 та инклюзия ва ресурс марказларини қўллаб-қувватлаш хонаси ва «Асил Мирас» аутизм маркази фаолият кўрсатмоқда.
Муаллиф: Галина Скрипник