Жорий йилда Транскаспий халқаро транспорт коридори орқали 2 миллион тонна юк ташилади

ASTANA. Kazinform – 2025 йилга бориб Транскаспий халқаро транспорт йўлаги орқали юк ташиш 10 миллион тоннага этади. Бу ҳақда мамлакатни ижтимоий-иқтисодий ривожлантириш масалаларига бағишланган йиғилишда Ҳукумат раҳбари Алихан Смаилов маълум қилди, дея хабар беради Kazinform мухбири.

Бош вазирнинг сўзларига кўра, Транскаспий халқаро транспорт йўналишини ривожлантириш бўйича ишлар давом этмоқда.

«Ўтган йили юк ташиш ҳажми 2 баробарга ошиб, 1,7 миллион тоннага етди. Озарбайжон, Туркия ва Грузия билан имзоланган йўл хариталарининг амалга оширилиши туфайли жорий йилда Транскаспий халқаро транспорт йўналиши орқали 2 миллион тонна юк ташилади, 2025 йилга бориб эса йўналишнинг ўтказиш қобилияти 10 миллион тоннага етади», - деди Алихан Смаилов.

Бундан ташқари, у туризм соҳасида умумий қиймати 290 миллиард тенге бўлган 100 дан ортиқ инвестиция лойиҳаси амалга оширилишини айтди. Бу йўналишда 5 минг 700 янги иш ўрни яратилади.

Элатиб ўтамиз, аввал хабар қилинганидек, Бош вазир Қозоғистон иқтисодиётининг ўсиши жорий йилнинг биринчи чорагида 4,9 фоизни ташкил этганини маълум қилган эди.

Муаллиф: Руслан Ғаббасов