Жорий йилда Қозоғистонда қиймати 7,4 млрд долларлик полиэтилен заводи қурилиши бошланади

ASTANA. Kazinform — ҚР Бош вазири Олжас Бектенов Ҳукуматнинг кенгайтирилган йиғилишида жорий йилда саноат соҳасида амалга ошириладиган йирик инвестиция лойиҳаларини айтиб ўтди.

“Жорий йилда қиймати 7,4 миллиард долларлик полиэтилен заводи қурилиши бошланади. 1,3 миллиард долларлик бутадиен заводининг лойиҳа-смета ҳужжатлари ишлаб чиқилади. Қозоғистон Тараққиёт банки кўмагида инвестор Павлодар вилоятида алкилат ишлаб чиқариш заводини қуришни йўлга қўймоқчи. Qarmet корхонаси йилига 200 минг тонна кўмир қазиб олишни бошлади”, - деди у.

Ҳукумат раҳбари мазкур лойиҳа қиймати 262 миллион доллар бўлишини, унинг доирасида 15 турдан ортиқ кўмир-кимё маҳсулотлари ишлаб чиқариш режалаштирилганини маълум қилди.

“China Energy компанияси мамлакатда кўмир кимёси бўйича 4 миллиард долларлик сармоявий лойиҳаларни амалга оширишдан манфаатдор. Айни пайтда кўмир конининг оптимал жойи танланмоқда”, – дейди Олжас Бектенов.

Эслатиб ўтамиз, пойтахтда Президент Қасим-Жомарт Тоқаев раислигида Ҳукуматнинг кенгайтирилган йиғилиши бўлиб ўтмоқда.