Жорий йилда Алматида 7 мингдан ортиқ киши уй-жой билан таъминланади
ALMATY. Кazinform – 2025 йилда Алмати шаҳрида 7284 кишига уй берилади.
– Бу йил 7284 нафар алматилик уй-жойли бўлади. Улар орасида етимлар ҳам бор. Шунингдек, белгиланган 20 фоизлик квотага мувофиқ аҳолининг ижтимоий ҳимояга муҳтож тоифалари, жумладан, кўп болали оилалар, бюджет ташкилотлари ходимларига уй-жой берилади, — дея таъкидлади шаҳар ҳокимлиги.
Шуни таъкидлаш керакки, шаҳар уй-жой фондидан квартиралар фақат навбат билан берилади. 2024 йилда мазкур дастур доирасида 5594 нафар фуқаро уй-жой билан таъминланди.
– Дастур доирасида 2 минг нафар фуқаро шаҳар уй-жой фондидан ижарага олинган хонадонларга эга бўлди. Шундан 404 та хонадон етим болаларга ажратилган бўлиб, бу тақдим этилган уй-жойларнинг 20 фоизини ташкил этади. Бундан ташқари, ўтган йили 257,7 миллион тенгега 207 та уй-жой сертификати берилган. Сертификатларни 1 ва 2-гуруҳ ногиронлари, ногирон болали оилалар, кўп болали оилалар, етим болалар олди, - дейилади ҳокимлик хабарида.
Эслатиб ўтамиз, аввалроқ Алмати бюджетига 1,8 триллион тенгедан ортиқ солиқ тушгани ҳақида хабар берган эдик.
