Жибек Қуламбаева Словакиядаги мусобақада чорак финалга чиқди

ASTANA. Kazinform - Қозоғистонлик Жибек Қуламбаева Трнава (Словакия) ITF W75 турнирининг жуфтлик баҳсларида чорак финалга чиқди.

Мусобақанинг 3-ракеткаси сифатида рўйхатдан ўтган Ж.Қуламбаева ва грекиялик Сапфо Сакеллариди дастлабки учрашувни корт эгалари Лаура Цилекова - Лаура Светикова билан ўтказди. Бир соат давом этган баҳсда Қозоғистон-грек жуфтлиги 6:1, 6:4 ҳисобида зафар қучди.

Қуламбаева ва Сакелларидининг чорак финалдаги рақиблари кейинроқ маълум бўлади.

Дунё рейтингида 805-ўринни эгаллаб турган яна бир қозоғистонлик, Григорий Ломакин Тбилисида (Грузия) бўлиб ўтаётган ITF турнирининг биринчи даврасида дунёнинг 615-ракеткаси, россиялик Егор Агафоновни 7:6 (8:6), 7:6 (7:0) ҳисобида мағлубиятга учратиб, сенсация яратди. 

Г.Ломакин чорак финалга чиқиш учун 793-ўринни эгаллаб турган беларуслик Эрик Арутюнян билан беллашади.