Жаҳон чемпиони Асланбек Шимбергеновга 3 хонали квартира берилди
Ўзбекистонда ўтказилган жаҳон чемпионатида иштирок этган икки нафар қозоғистонлик боксчилар: терма жамоа сардори Асланбек Шимбергенов олтин, Дулат Бекбауов кумуш медални қўлга киритди.
Махсус ташкил этилган маросимда вилоят ҳокими Нуржан Нуржигитов икки боксчини ғалаба билан табриклаб, ҳамюртлари номидан тақдирлади.
«Жаҳон мусобақаларида кўк байроғимизни баланд кўтарган Асланбек ва Дулатни буюк ғалабалари билан чин қалбимдан табриклайман! Жамбил бокс мактабининг ёрқин анъаналарини сақлаб қолган спортчиларимиз ушбу жаҳон чемпионатида ҳам ўзларининг ҳақиқий маҳоратли боксчилар эканлигини исботлай олди.
Болат Жумадилов 1999 йилда Хьюстонда ўтказилган жаҳон чемпионатида олтин медални қўлга киритган бўлса, орадан 24 йил ўтиб Асланбек Шимбергенов ҳам худди шундай ғалаба ва жасоратни такрорлади. Бу биз учун катта бахт ва катта шараф. Боксчиларимизни катта рингга олиб чиққан, халқаро спорт усталари даражасига кўтарган Қозоғистон Республикасида хизмат кўрсатган мураббийлар Нурлан Ақурпеков ва Ермек Ертаевларнинг хизматларини алоҳида таъкидлаб ўтмоқчиман», – деди вилоят раҳбари.
Ҳоким боксчиларнинг ота-оналарига ҳам ўз миннатдорчилигини билдирди.
Шунингдек, маросимда жаҳон чемпиони Асланбек Шимбергеновга 3 хонали хонадон калити топширилди.
Ғолибнинг шахсий мураббийи, юқори тоифали мураббий Ермек Ертаевга 5 миллион тенгенинг сертификати топширилди.
Жаҳон чемпионати кумуш медали совриндори Дулат Бекбауовга 2 хонали квартира калити, унинг шахсий мураббийи Нурлан Ақурпековга 3 миллион тенгенинг сертификати топширилди.
Эслатиб ўтамиз, ҚР Президенти Қасим-Жомарт Тоқаев бокс бўйича бу йилги жаҳон чемпионлари – Санжар Ташкенбай, Махмуд Сабирхан, Асланбек Шимбергенов, Нурбек Оралбай ва кумуш медаль совриндори Дулат Бекбауовни, шунингдек, бокс бўйича Қозоғистон терма жамоаси аъзолари ва мураббийларини қабул қилди.
Мудофаа вазири Руслан Жақсилиқов Асланбек Шимбергеновга «Ел-юрт қўрғони» медалини топширди.
Муаллиф: Эьлвира Жарилқасинова
