Юлия Путинцева жаҳон рейтингида 34-ўринга кўтарилди

ASTANA. Kazinform - Аёллар теннис ассоциацияси (WТА) янгиланган рейтингини эълон қилди.

Кучли учликда ҳеч қандай ўзгариш бўлмади. Польша вакили Ига Швентек пешқадам, америкалик Кори Гауфф иккинчи, беларуслик Арина Соболенко учинчи ўринда.

Қозоғистоннинг етакчи теннисчиси Елена Рибакина тўртинчи ўринда қолган бўлса, кеча Бирмингемда чемпион бўлган Юлия Путинцева 41-ўриндан 34-ўринга кўтарилди.

Қозоғистоннинг биринчи ракеткаси Анна Данилина жуфтлик баҳсларида 53-ўринни эгаллаб турибди.

Е.Рибакина Истбурн (Буюк Британия) WТА 500 турнирида биринчи ракетка сифатида рўйхатдан ўтди. У иккинчи босқичда дунёнинг 37-ракеткаси, чехиялик Мария Боузкова ёки 105-ўриндаги британиялик Харриет Дартга қарши кортга чиқади.

Ю.Путинцева Бад-Хомбургда (Германия) ўтказилаётган WТА 500 мусобақасининг биринчи даврасида дунёнинг 59-ракеткаси америкалик Питон Стирнс билан куч синашади. А.Данилина хитойлик Сюй Ифань билан биргаликда ушбу мусобақанинг чорак финалига чиқди.