Юлия Путинцева Таиланддаги турнирнинг чорак финалига чиқди

ASTANA. Kazinform – Дунё рейтингида 70-ўринни эгаллаган қозоғистонлик теннисчи Юлия Путинцева Хуахин (Таиланд) WТА 250 турнирининг чорак финалига чиқди.

Қозоғистонлик теннисчи иккинчи даврада дунёнинг 71-ракеткаси швейцариялик Виктория Голубич билан куч синашди.

Ҳар икки партияда ҳам ўйин қизғин ўтди ва 7:6 (7:0), 7:6 (7:1) ҳисобида Путинцева фойдасига ҳал бўлди.

Икки соатдан ортиқ давом этган баҳсда Ю.Путинцева 9 та брейк-пойнтнинг бештасидан унумли фойдалана олди.

Юлия Путинцева ярим финалга чиқиш учун дунёнинг 40-ракеткаси хитойлик Синьюй Ван билан куч синашади.