Юлия Путинцева Хобарт турнирининг чорак финалига чиқди

Қозоғистоннинг иккинчи, дунёнинг 64-ракеткаси Юлия Путинцева Хобарт (Австралия) WТА 250 турнирининг чорак финалига чиқди, деб хабар беради Каzinform.

Мусобақани саралаш баҳслари билан бошлаган қозоғистонлик теннисчи иккинчи даврада дунёнинг 35-ракеткаси Мария Боузкова билан куч синашди.

Биринчи ўйинда Ю.Путинцева 5:2 ҳисобида олдинга ўтди. М.Боузкова ҳисобни қисқартирган бўлса-да, Юлия устунликни қўлдан бой бермади – 6:4.

Иккинчи сетда чехиялик спортчи яққол устунликка эришди - 6:1.

Ю.Путинцева учинчи, ҳал қилувчи ўйинни брейк билан бошлади ва 6:3 ҳисоби билан ғалабага эришди.

Икки соату 17 дақиқа давом этган баҳсда Юлия 17 та брейк-пойнтдан атиги бештасини фойдаланди. М. Боузкова 2 эйс, 5 брейк (11 брейк-пойнт) билан ажралиб турди.

Юлия Путинцева ярим финалга чиқиш учун рейтингда 73-ўринни эгаллаб турган хитойлик Юэ Юань билан беллашади.

Эслатиб ўтамиз, аввалроқ Елена Рибакина Австралияда яна бир йирик мусобақани муваффақиятли бошлагани ҳақида ёзган эдик.