Япониялик шифокор эркак кишининг кесилган бошини видеога олган

SAPPORО. Кazinform - Япония полицияси ўтган ой Саппородаги меҳмонхоналардан бирида боши кесилган жасад топилгани муносабати билан ҳибсга олинган оиланинг уйидан эркакнинг боши тасвирланган видеони топди, дея хабар беради Kazinform Kyodo агентлигига таяниб.

Видеода қўлқоп кийган бировнинг қўли кесилган бошга қандай тегиши кўрсатилган. Буларнинг барчаси июль ойи охирида эркак кишининг жасадини парчалаганликда гумонланиб ҳибсга олинган 59 ёшли психиатр Осаму Тамура ва унинг 29 ёшли қизи Руна уйининг ҳаммомида содир бўлади. Тамуранинг рафиқаси Хироко ҳам ҳибсга олинган.

Полиция видеони уларнинг уйини тинтув қилиш чоғида топди, дейди манба.

Бош Саппородаги Сусукино кўнгилочар туманидаги меҳмонхонада кесилгани тахмин қилинмоқда.

Жабрланувчи 62 ёшли Хитоши Ура шу йилнинг 1 июль куни соат 22:50 атрофида меҳмонхонага кирган. Полиция ўша оқшом уни меҳмонхонага кузатиб борган шахс психиатрнинг қизи Руна Тамура эканлигини тахмин қилмоқда.

Полиция маълумотларига кўра, эртаси куни соат 2 ларда бир киши жабрланувчи жойлашган меҳмонхона хонасидан чамадон билан чиқиб кетган.

Эслатиб ўтамиз, Уранинг боши кесилган жасади 2 июль куни меҳмонхона ходими томонидан, боши эса июль ойи охирида шифокор уйининг ҳаммомидан топилган эди.