Япониядаги зилзила қурбонлари сони 168 нафарга етди

Японияда 1 январдан бери содир бўлган зилзила қурбонлари сони 168 нафарга етди. Бу ҳақда Япония минтақавий ҳокимиятлари томонидан эълон қилинган маълумотлар далолат бермоқда, деб хабар беради Каzinform Россиянинг ТАSS агентлигига таяниб.

Бундан ташқари, қутқарувчилар жойлашувларни аниқлаш учун боғлана олмаган аҳоли сони 323 нафарга етди. Ҳали давом этаётган зилзилалар натижасида 560 дан ортиқ киши турли даражада тан жароҳати олди.

Зилзиладан айниқса Исикава префектураси жабр кўрди. У ерда камида 1370 та уй тўлиқ ёки қисман вайрон бўлган, 300 га яқин бино ёнғин оқибатида зарар кўрган. Зарар кўрган ҳудудда электр ва сув таъминоти узилиб қолган, ёқилғи тақчиллиги кузатилмоқда.

Япония қутқарув кучларининг офат ҳудудида қидирув-қутқарув ишлари давом этмоқда. Қутқарувчилар охирги марта 6 январь куни вайроналар остидан одамни олиб чиққан эди. 90 ёшли маҳаллий аҳоли беш кундан ортиқ вақт давомида зилзилада вайрон бўлган уйи остида қолган.

Бунгача Япониядаги зилзила қурбонлари сони 126 нафарга етганини ёзган эдик.