Яқин келажакда Қозоғистон қандай янги сунъий йўлдошлар учиради
ASTANА. Кazinform - Қозоғистон Республикаси Рақамли ривожланиш, инновациялар ва аэрокосмик саноат вазирлиги Қозоғистон қандай янги сунъий йўлдошларни учиришни режалаштираётганини маълум қилди.
“2023 йилдан буён Қозоғистоннинг «GHALAM» МЧЖ компанияси Коинот аппаратларини йиғиш-синов мажмуаси негизида Ерни масофадан зондловчи учта «KazEOSat-MR» сунъий йўлдошлари мажмуасини яратиш устида ишламоқда. Уларни ишга тушириш 2026 йилга мўлжалланган”, — дейилади вазирликнинг Kazinform агентлигига берган жавобида.
Вазирлик маълумотларига кўра, 2029 йилгача «KazSat-3» алоқа сунъий йўлдошини янгисига алмаштириш режалаштирилган. Янги қурилма мамлакат талабини қондириш ва ахборот хавфсизлигини таъминлашда замонавий техник ечимлардан фойдаланишга мўлжалланган. Бу йўналишда хорижий космик ускуналар ишлаб чиқарувчилардан дастлабки техник ва тижорат таклифлари олинди. Шу билан бирга, лойиҳага қўйиладиган талабларни шакллантириш ва уни молиялаштиришни таъминлаш бўйича ишлар бошлаб юборилди
Эслатиб ўтамиз, 2014 йил 28 апрель куни учинчи миллий геостационар радиоэшиттириш ва алоқа сунъий йўлдоши «KazSat-3» муваффақиятли учирилган эди. «KazSat-3» сунъий йўлдоши Қозоғистон ҳудудига алоқа хизматларини кўрсатишга қодир 28 Ku диапазонли транспондерга эга. Космик кеманинг ишлаш муддати - 15 йил.
Эслатиб ўтамиз, Қозоғистон ва Ўзбекистон биргаликда коинотга сунъий йўлдош учирмоқчи.
