Ягона вақт минтақаси бизнесга қандай таъсир қилади

ASTANA. Kazinform – ҚР Миллий иқтисодиёт вазирининг биринчи ўринбосари Тимур Жақсилиқов соат минтақасининг ўзгариши мамлакат бизнесига қандай таъсир қилишини маълум қилди.

“Савдо вазирлигидаги ҳамкасбларимиз бу масала билан ҳар томонлама шуғулланмоқда. Улар таҳлил қилди. Менимча, улар бу саволга батафсил жавоб беришлари мумкин. Ишонамизки, бизнес учун жиддий йўқотишлар бўлмайди. Аксинча, истеъмолчилар ҳар қандай ноқулай вазиятга дуч келса, бу вақтинчалик бўлади”, - деди Т.Жақсилиқов Сенатда ўтказилган брифингда.

Унинг сўзларига кўра, мамлакатнинг барча ҳудудларида иш куни бир вақтда бошланар экан, бизнес узоқ муддатли ижобий натижаларга эришади.

“Давлат хизматларини олиш билан боғлиқ барча тартиблар бир вақтда бошланади ва бир вақтда тугайди. Бу, ўз навбатида, тадбиркорлик учун яхши шароит яратиш имконини беради”, - деди вазир ўринбосари.

Эслатиб ўтамиз, 1 мартдан бошлаб бутун мамлакат бўйлаб ягона вақт минтақаси ўрнатилади.

Муаллиф: Руслан Ғаббасов