Ўзбекистонда жиноят содир этган шахс 10 йил давомида Степногорск шаҳрида яширинган
ASTANА. Кazinform - Степногорскда 10 йилдан ортиқ қидирувда бўлган жиноятчи қўлга олинди.

Ақмола вилояти ПД матбуот хизмати хабарига кўра, Ўзбекистон Республикаси Навоий вилояти ИИБ томонидан давлатлараро қидирув эълон қилинган жиноятчи Степногорск шаҳрида қўлга олинди.
- Тезкор вакилларнинг маълум қилишича, эркак 2014 йилдан бери Қозоғистонда яширинган. У расман ҳеч қаерда ишламаган, - дейилади хабарда.
Степногорскда оила қуриб, шу пайтгача ёлланма иш билан шуғулланган. Ҳозир у Степногорск шаҳар полиция департаментининг вақтинчалик сақлаш изоляторида сақланмоқда. Полиция тергов ишларини олиб бормоқда.
– Қўлга олинган шахс қўшни давлат фуқароси бўлгани учун уни Ўзбекистон Республикасига экстрадиция қилиш масаласи кўриб чиқилмоқда, – дейилади хабарда.
Эслатиб ўтамиз, аввалроқ Халқаро қидирувга берилган жиноятчи Астана аэропортида қўлга олингани ҳақида хабар берган эдик.