Ўзбекистонда Сирдарё ҳавзасида фойдали қазилмаларни қазиб олишга мораторий жорий этилади
TASHKENT. Kazinform - Ўзбекистонда Сирдарё ҳавзасида руда моддаси ҳисобланмайдиган фойдали қазилмаларни қазиб олишга муддатсиз мораторий жорий этилади. Тегишли фармонни Ўзбекистон Президенти Шавкат Мирзиёев 11 март куни имзолади, деб хабар беради Kazinform агентлигининг Тошкентдаги мухбири Алихан Асқар.
Ўзбекистон Адлия вазирлиги хабарига кўра, жорий йил 1 майдан бошлаб Сирдарё каналида фойдали қазилмаларни (шаўал, қурилиш қуми, керамика ва бошқалар) қазиб олишга мораторий жорий этилади. Бундан ташқари, уларни ноқонуний ишлаб чиқариш натижасида атроф-муҳитга зарар етказган шахсларга нисбатан қўлланиладиган жазо ҳам оширилади.
Вазирлик маълумотларига кўра, Сирдарё соҳилидаги ифлосланган ҳудудларни тиклаш ишлари олиб борилмоқда.
Эслатиб ўтамиз, ўтган йили Сирдарё ҳавзасидаги сув сифатини назорат қилиш, ифлосланиш сабабларини аниқлаш ва уларнинг таъсирини камайтириш бўйича Астана шаҳрида Қозоғистон-Ўзбекистон қўшма ишчи гуруҳи йиғилишида муҳокама этилган эди.
