Ўзбекистонда Хитой брендидаги электромобиллар ишлаб чиқариш йўлга қўйилди
TASHKENT. Kazinform - Шавкат Мирзиёев ва BYD раҳбари Ўзбекистоннинг Жиззах вилоятида электромобилларни йиғиш лойиҳасини йўлга қўйди, деб хабар беради Kazinform мухбири.
Ўзбекистон раҳбари матбуот хизмати хабарига кўра, Давлат ташрифининг ишбилармонлик дастури доирасида Ўзбекистон Республикаси Президенти Шавкат Мирзиёев Шэньчжэнь шаҳрида Хитойнинг етакчи “BYD” компанияси бош қароргоҳи ва технологиялар марказига ташриф буюрди.
Ўзбекистон раҳбари компания президенти Ван Чуаньфу билан биргаликда Жиззах вилоятида йилига 50 минг дона гибрид ва электромобилларни йиғиш лойиҳасини ишга тушириш маросимида иштирок этди.
Ўзбекистон Президенти яқин келажакда бозор талабини ҳисобга олган ҳолда моделлар ассортиментини кенгайтириш ва ишлаб чиқариш қувватини йилига 300 минг донагача ошириш зарурлигини таъкидлади.
Компаниянинг Ўзбекистонда эҳтиёт қисмларни маҳаллийлаштириш, муҳандислик ва сервис марказларини ташкил этган ҳолда BYD электробусларини йиғишни йўлга қўйиш режалари ҳам қўллаб-қувватланди.
Эслатиб ўтамиз, аввалроқ Ўзбекистон Президенти Шавкат Мирзиёев 23-25 январь кунлари давлат ташрифи билан Хитойда бўлгани ҳақида хабар берилган эди. У Хитой Халқ Республикаси Давлат кенгаши Бош вазири Ли Цян билан ҳам музокаралар ўтказди. Кейинроқ Шавкат Мирзиёев Хитой Халқ Республикаси Раиси Си Цзиньпин билан ҳам учрашди.
Муаллиф: Мадибек Жанибеков
