Ўзбекистонда автомобилларни рўйхатдан ўтказиш нархи 68 баробарга ошди

TASHKENT. Кazinform - Ўзбекистонда автомобиллар ва уларнинг тиркамаларини рўйхатдан ўтказиш ва қайта рўйхатдан ўтказиш учун йиғимлар оширилди. Ички ишлар вазирининг тегишли буйруғи 1 апрелдан кучга кирди, деб хабар беради Kazinform агентлигининг Ўзбекистондаги мухбири Алихан Асқар.

Ҳужжатда ёзилишича, 1 апрелдан электромобиллар, мотоцикллар ва тиркамаларни рўйхатдан ўтказиш нархи 15 баробарга, яъни 1,5 та БҲМга (18 минг тенге) ошди.

Бошқа транспорт воситалари учун эса бу миқдор 68,4 баробарга ошган. Хусусан, газда ишлайдиган автомобилларни рўйхатдан ўтказмоқчи бўлган ўзбекистонликлар эндиликда 2,32 миллион сўм (82 минг тенге) тўлаши керак.

Бунгача барча автомобиль ва тиркамаларни рўйхатдан ўтказиш нархи 34 000 сўм (1200 тенге) эди.

Эслатиб ўтамиз, аввалроқ Ўзбекистонда зарарли транспорт воситаларини экологик тоза транспорт воситаларига алмаштирганларга субсидиялар берилиши режалаштирилаётгани ҳақида хабар берган эдик.