Ўзбекистонда 3 ой ичида шаҳвоний шилқимликлар учун 318 киши жавобгарликка тортилди

TASHKENT. Кazinform - Жорий йилнинг уч ойи давомида Ўзбекистонда 318 нафар шахс шаҳвоний шилқимликлар учун жавобгарликка тортилди, деб хабар беради Kazinformнинг Ўзбекистондаги мухбири Алихан Асқар.

“Ўзбекистон Республикаси Жиноят кодексининг 41-1-моддаси (Шаҳвоний шилқимлик қилиш) билан 318 нафар шахс маъмурий жавобгарликка тортилди. Уларнинг 97 нафари жаримага тортилган, 221 нафари маъмурий қамоққа олинган”, — дея маълум қилди Ўзбекистон Олий суди матбуот котиби Азиз Обидов.

Олий суд маълумотларига кўра, 40 нафар шахс Жиноят кодексининг 141-3-моддаси (шахснинг шаънини ва қадр-қимматини камситувчи ҳамда инсон ҳаётининг сир тутиладиган томонларини акс эттирувчи маълумотларни ошкор қилиш) билан жиноий жавобгарликка тортилган. Жумладан, 13 нафар шахсга озодликдан маҳрум қилиш, 27 нафар фуқаро бошқа турдаги жазоларга ҳукм қилинди.

Эслатиб ўтамиз, ўтган йили Ўзбекистонда жинсий зўравонлик жиноятларини содир этган 666 нафар шахс турли жазоларга ҳукм қилинган эди.

Шунингдек, жорий йилнинг биринчи чорагида Ўзбекистонда оилавий зўравонлик содир этган 4 минг 477 нафар шахс маъмурий ва жиноий жавобгарликка тортилди.